Zer da Etorlur?

Etorlur Gipuzkoako Lurra SA (hemendik aurrera, Etorlur), Gipuzkoako Foru Aldundiaren sozietatea da bere kapitalaren 100%eko portzentajean. Etorlur 1990eko apirilaren 25ean eratu zen “Urnieta Lantzen, SA” izenarekin. 2004. urtean sozietatearen izen aldaketa gauzatu zen eta “Etorlur Gipuzkoako Lurra SA” izena hartu zuen. Gaur egun bere egoitza Hernanin dago eta 9 pertsonek osatzen dute bere lan taldea.

Xedea

Etorlurren helburua da: lurralde orekan landa eremuak duen garrantzia sozioekonomikoa aintzat hartuz, Gipuzkoako Foru Aldundiak eremu horretarako xedatutako lerro estrategikoak proiektu eta egitasmo zehatzen bitartez aurrera eramatea eta lerro estrategiko horiek finkatzeko beharrezkoak diren lurralde azterketak egitea.

Ikuspegia

Erreferente izan nahi dugu gure xede osatzen duten jardunetan; Gipuzkoako Foru Aldundiaren tresna eraginkorra izan gure lan esparrua den horretan. Hala nola Gipuzkoako landa eremuaren behatokia bihurtu, landa eremuko biztanleen eta landa eremutik bizi diren pertsonen bizi-kalitatea hobetzeko.

 

Izfe

Bulego Nagusiak

Ibaiondo Ind., 27 - 1

20120 Hernani

T: 943 337556-

etorlur@gipuzkoa.eus